//Jaman Kalabendu//
Duking uni Ki
Ranggawarsita/ wus
paring jangka laku//
Ing mbesuk /bakal nemoni
jaman kalabendu//
Wong-wong padha ngedan/ mbeburu nepsu/
Jagad bakal dadi sungsang bawane balik/
Wong-wong padha lena/ hanggendhong melik/
Pranatan/ dhatan karuan/ bisa den wolak-walik//
Jaman kalabendu/ wus lumaku//
Para pangarsa pangembating
praja/ pamonge kawula
Tan bisa tinuladha/ amung
mentingake butuhe priyangga//
Mbujung cukup golek kurup/ wekasan banjur korup//
Para wakiling kawula sing
jarene kinurmat/
Malah padha kianat/ lali menawa ngemban amanat/
Minangka srana merjuangake aspirasine rakyat//
Wong kang dipracaya
njejegake adil lan bebener/
Keblate wus minger/ nalare padha keblinger//
Dol tinuku prakara/ malah kinarya boga sumber//
Tingkah polahe para kawula/ uga wus ora lumrah/
Guyub rukun datan usum / musawarah datan kaprah/
Bab kang sepele/ bisa dadi
congkrah/ bebrayan
dadi bubrah//
Jaman kalabendu/ terus lumaku//
Mbesuk/kapan sirepe tan
kasabda/
Sang pujangga
Amung paring pepeling/ sing
padha eling lan waspada//
Amrih tebih ing godha
rencana/ kalis
ing sambekala//
Sakbeja-bejane wong lali
mana/
Isih beja wong kang eling
lan waspada//
Sapa salah bakale seleh/ sapa temen
bakal ketrima//
Tidak ada komentar:
Posting Komentar